भाटभटेनी सुपरमार्केटले शुरु गर्यो क्युआर कोड भुक्तानी सेवा, सबै आउटलेटहरुमा शुरू हुने

डिजिटल भुक्तानीलाई प्रोत्साहन गर्ने गरी भाटभटेनी सुपरमार्केटले क्युआर कोड भुक्तानी सेवा सुरु गरेको छ । प्रभु बैंकको सहकार्यमा भाटभटेनीले क्युआर भुक्तानी सेवा सुरु गरेको हो।

बिहीबारबाट नक्साल भाटभटेनीमा क्युआरकोड सेवा न नेपाल राष्ट्र बैंकका गभर्नर महाप्रसाद अधिकारीले गरेका हुन । उक्त कार्यक्रममा गभर्नर अधिकारीले नेपालमा क्यास लेस सेवाले छिट्टै नयाँ फड्को मार्ने बताए ।

‘नगद कारोबार एकदमै झन्झटिलो हुने गरेको छ जसकारण क्युआरबाट भुक्तानीले समयको बचतसँगै सुरक्षित कारोबारमा समेत प्रात्साहन मिलिरहेको छ’ उनेल भने ।

उनले ’पैसा भए पनि देखाउन नसक्ने’ हरुका लागि यसले मद्दत गर्ने भन्दै भविष्य लागि पनि क्युआर भुक्तानी प्रयोग गर्न आह्वान गरे ।

कार्यक्रममा प्रभु बैंकका कार्यकारी अघिकृत अशोक शेरचनले डिजिटल भुक्तानीलाई देशव्यापी रुपमा अघि बढाउनुपर्ने बताए ।
‘शहरी भेगमा मात्रै नभइ ग्रामिण इलाकामा पनि यसको आवश्यक्ता छ’उनले भने,अवको युग नै प्रविधिमा आधारित भएको भन्दै यसको प्रयोग बढ्दा औपचारिक अर्थतन्त्रमा टेवा पुग्ने र कारोबार पनि पारदर्शी हुने छ।

आन्तरिक राजस्व कार्यकालका महानिर्देशक शोभाकान्त पौडेलले विद्युतीय भुक्तानीले कारोबार पारदर्शी हुँदा राज्यलाई पनि कर आउने बताए ।

भाटभटेनीका अध्यक्ष मीनबहादुर गुरुङले सरकार र राष्ट्र बैंकको क्यास लेस अभियानलाई सहयोग गर्न आगामी दिनमा सबै आउटलेटहरुमा क्युआर भुक्तानी सेवा शुरु गर्ने बताए । उनका अनुसार क्युआर भुक्तानीलाई प्रबर्द्धन गर्न आफ्ना १० लाख मेम्बरलाई प्रोत्साहन गरिने छ ।