जननिर्वाचित संसदको अपमान भन्दा विघटन श्रेष्ठकर छः सचेतक शान्ता चौधरी

नेपाल कम्युनिष्ट पार्टी नेकपाका केन्द्रीय सदस्य तथा पतिनिधिसभाका ससचेतक शान्ता चौधरीले सरकारद्वारा गरिएको संसद विघटनको समर्थन गर्नुभएको छ ।

राष्ट्रपतीलाई महाअभियोग र प्रधानमन्त्रीलाई संसदमा अविस्वासको प्रस्ताव ल्याउने सम्पूर्ण तयारी भएको तितो यर्थाथबीच माधव कुमार नेपाल, झलनाथ खनाल, प्रचण्ड र देउवा सरकारको हस्ताक्षरसम्मको यात्राले जननिर्वाचित संसदको अपमान गर्नुभन्दा , संसद विघटन गर्नु श्रेष्ठकर भएको उहाँले बताउनुभयो ।

आज ओली सरकारद्धारा राष्ट्रपतिसमक्ष संसद विघटनको प्रस्ताव लगिएको थियो । बैशाख १७ र २७ गते मध्यावधि चुनाव गर्नेगरी प्रतिनिधिसभाको विघटन गरेको घोषणा भइसकेको छ ।