सिभिल बैंकको बदमासी मर्जरको हल्ला गर्दै सेयर मूल्य बढायो, नेप्सेले कारवाही गर्ने

सिभिल बैंकको बदमासी मर्जरको हल्ला गर्दै सेयर मूल्य बढायो, नेप्सेले कारवाही गर्ने

४ असोज, काठमाडौं । मुलुकमा २७ वाणिज्य बैंक रहेको छ । ती बैंकमध्ये निकै कमजोर मानिने बैंकमध्ये एक हो सिभिल बैंक, कारोबार खुलेसँगै सिभिल बैंकको सेयर मूल्य आइतबार बढ्न शुरु भयो र कारोबारको अन्तिम समय सम्म आकासियो ।

एक पटक त करिब १० प्रतिशतले उकालो लागेको सिभिल बैंकको सेयर मूल्य बजार बन्द हुने समयमा ४।६७ प्रतिशत अर्थात ७ रुपैयाँले बढेको छ । अप्रत्यासित तरिकाले सिभिलको मूल्य बढ्नुको कारण भने मर्जरको हल्ला हो ।

कमजोर अवस्थामा रहेको सिभिलले एक वलियो कमर्सियल बैंकसँग मर्जरमा जान लागेको भनेर हल्ला गर्यो । केहि सञ्चारमाध्यममा समाचारसमेत प्रकाशन भए पछि लगानीकर्ताहरु सिभिल बैंकको सेयर किन्न झुम्मिएका थिए । हल्ला फैलाउनु गैरकानूनी हो ।

सेयर बजारमा असर पर्ने कुनै निर्णय भएमा नेप्सेलाई तुरुन्तै जानकारी गराउनु पर्ने व्यवस्था छ । यसरी कुनै बैंकले मर्जरमा जाने निर्णय वा सहमति गरे नेप्सेलाई तत्कालै जानकारी गराउनु पर्ने र नेप्सेले कारोबार रोक्का गर्नुपर्ने हुन्छ । तर नेप्सेलाई जानकारी नै नदिई सिभिल बैंकका प्रमुख कार्यकारी अधिकृत गोविन्द गुरुङले मर्जरको हल्ला फैलाएका थिए ।

जसलाई नेप्सेले शंकाको घेरामा राख्दै कारबाही प्रक्रिया शुरु गरेको छ । नेप्सेले आइतबार नै पत्राचार गर्दै सिभिललाई तत्कालै स्पष्टिकरण बुझाउन अल्टिमेटम दिएको छ । नेप्सेले धितोपत्र ऐन, २०६३ को दफा९४८० १ अनुसार भोलि कारोबार खुल्नु भन्दा अगाडि नै जवाफ पेश गर्न भनेको छ ।

यदि भोलि कारोबार खुल्नुभन्दा अगाडि नै जवाफ पेश नगरेर नेप्सेले आवश्यक कानूनी कारबाही गर्ने जनाएको छ । ।