इराकी प्रदर्शनकारीहरू संसदभित्र प्रवेश

सयौं इराकी प्रदर्शनकारीहरूले बुधबार सुरक्षा घेरालाई उलंघन गर्दै राजधानी बगदाद स्थित संसदभित्र प्रवेश गरेका छन्। अधिकांश प्रदर्शनकारीहरू प्रभावशाली शिया धर्मगुरु मुक्तादा अल-सद्रका अनुयायी थिए। प्रदर्शनकारीहरू संसदभित्र हिंडिरहेको, सांसदहरूको कुर्सीमा बसेको र इराकी झण्डा फहराउँदै गरेको देखियो। यो घटनाले संघीय चुनावको करिब १० महिनापछि इराकको राजनीतिक सङ्घर्षमा नया अवस्था खडा गरेको छ।

प्रदशनकारी हरु संसदमा प्रवेश गर्दा सांसदहरू भने उपस्थित थिएनन् । केवल सुरक्षा बलहरू भवन भित्र थिए र उनीहरूले सापेक्षिक सहजताका साथ प्रदर्शनकारीहरूलाई प्रवेश गर्न अनुमति दिए। प्रदर्शनकारीहरूले इरान समर्थित शिया दलहरू र उनीहरूका सहयोगीहरूको नेतृत्वमा गठबन्धनको आधिकारिक उम्मेदवारको रूपमा मोहम्मद अल-सुदानीको चयनको विरोध गरिरहेका थिए।

अक्टोबरमा संघीय चुनाव भएदेखि यो सबैभन्दा ठूलो विरोध प्रदर्शन थियो, र दोस्रो पटक अल-सद्रले यस महिना आफ्ना राजनीतिक प्रतिद्वन्द्वीहरूलाई सन्देश पठाउन जनतालाई परिचालन गर्ने क्षमता प्रयोग गरेका छन्। जुलाईको सुरुमा, हजारौंले सामूहिक प्रार्थनाको लागि उनको आह्वानलाई ध्यान दिए, यो घटनाले धेरैलाई डराएको थियो कि विरोध अस्थिरतामा परिणत हुनेछ।

उनका अनुयायीहरूले संसदमा कब्जा गरेको केही घण्टा पछि, अल-सद्रले ट्विटरमा एक विज्ञप्ति जारी गर्दै प्रदशनकारिहरुको सन्देश प्राप्त भएको र “आफ्नो घरमा सुरक्षित रूपमा फर्कन” भन्दै धर्नामा थप वृद्धि नहुने संकेत दिए। त्यसको केही समयपछि प्रदर्शनकारीहरू सुरक्षा बलको निगरानीमा संसद भवनबाट बाहिर निस्कन थालेका थिए।