प्रि ओपन सेसन अपडेटः करिब ४ अंक बढ्यो नेप्से

साताको पहिलो कारोबार दिन प्रि ओपन सेसनमा नेप्से परिसूचक करिब ४ अंक बढेको छ।

अघिल्लो कारोबार दिन अर्थात गत बिहीबार ५९.५७ अंक घटेर २६९०.२९ विन्दुमा बन्द भएको नेप्से, यस दिन सो सेसनमा ३.७६ अंक बढेर २६९४.०५ विन्दुमा पुगेको छ। सो सेसनमा सेन्सेटिभ इण्डेक्स भने ०.१३ अंक घटेको छ।

आइतबार प्रि ओपन सेसनमा २१ कम्पनीको ७६ लाख २ हजार ७८० रुपैयाँ ८० पैसा बराबरको १२ हजार २६१ कित्ता शेयर खरिदबिक्री भएको छ। जसमध्ये १२ कम्पनीको शेयरमूल्य बढेको छ भने २ कम्पनीको शेयरमूल्य घटेको छ। बाँकी ७ कम्पनीको शेयरमूल्य सो सेसनमा स्थिर रहेको छ।