बिहानै ६ रेक्टर स्केलको भूकम्पको धक्का, सिन्पल्चोक केन्द्रविन्दु

बुधबार बिहान ५ः१९ बजे काठमाडौं उपत्यकासहित विभिन्न जिल्लामा भूकम्प आएकाे छ । सिन्धुपाल्चोकको राम्चेलाई केन्द्रविन्दु बनाएर बुधबार बिहानै ६ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ ।

सिन्धुपाल्चोकका प्रहरी प्रमुख एसपी राजन अधिकारीले जिल्लामा हालसम्म कुनै क्षतिको विवरण नआएको बताए । आफ्नो संयन्त्रमार्फत जिल्लाका हरेक वडासँग सम्पर्क भइसकेको बताउँदै हालसम्म केन्द्रविन्दु रहेको जिल्लामा कुनै अप्रिय घटना नभएको अधिकारीले जनाए ।